PRE 3:1 : ALLES het sy bepaalde uur, en vir elke saak onder die Hemele is daar 'n tyd:

PRE 3:2 : 'n tyd om gebore te word en 'n tyd om te sterwe, 'n tyd om te plant en 'n tyd om uit te roei wat geplant is,

PRE 3:3 : 'n tyd om dood te maak en 'n tyd om gesond te maak, 'n tyd om af te breek en 'n tyd om op te bou,

PRE 3:4 : 'n tyd om te ween en 'n tyd om te lag, 'n tyd om te weeklaag en 'n tyd om van vreugde rond te spring,

PRE 3:5 : 'n tyd om klippe weg te gooi en 'n tyd om klippe bymekaar te maak, 'n tyd om te omhels en 'n tyd om ver te wees van omhelsing,

PRE 3:6 : 'n tyd om te soek en 'n tyd om verlore te laat gaan, 'n tyd om te bewaar en 'n tyd om weg te gooi,

PRE 3:7 : 'n tyd om te skeur en 'n tyd om aanmekaar te werk, 'n tyd om te swyg en 'n tyd om te spreek,

PRE 3:8 : 'n tyd om lief te hê en 'n tyd om te haat, 'n tyd vir oorlog en 'n tyd vir vrede.

PRE 3:9 : Watter voordeel het hy wat werk, daardeur dat hy hom vermoei?

PRE 3:10 : Ek het die taak gesien wat Elohim aan die seuns van adam gegee het om hulle daarmee te kwel.

PRE 3:11 : Alles het Hy mooi gemaak op Sy tyd; ook het Hy die tyd in hulle hart gelê sonder dat die adamiet die werk wat die Elohim doen, van begin tot end, kan uitvind. [Génesis 1:2]

PRE 3:12 : So het ek dan ingesien dat daar niks beters onder hulle is nie as om bly te wees en suiwerheid te beoefen in die lewe.

PRE 3:13 : En ook - dat elke adamiet eet en drink en die suiwere geniet by al sy moeitevolle arbeid; dit is 'n gawe van Elohim.

PRE 3:14 : Ek het ingesien dat alles wat die Elohim doen, vir ewig sal bestaan; daar kan niks bygevoeg en daar kan niks van weggeneem word nie; en die Elohim, Hy het so bestier dat hulle moet vrees voor Sy Aangesig.

PRE 3:15 : Alles wat is, was alreeds; en wat sal wees, was alreeds; en Elohim soek weer op wat verbygegaan het.

PRE 3:16 : Verder het ek ook gesien onder die son die plek van die Reg - daar was besoedeling, en die plek van Geregtigheid - daar was besoedeling.

PRE 3:17 : Ek het in my hart gesê: die Elohim sal die regverdige en die besoedelde oordeel, want dáár is 'n tyd vir elke saak en vir elke werk.

PRE 3:18 : Ek het in my hart gesê: Ter wille van die adamiet [gebeur dit], dat die Elohim hulle kan suiwer, en dat hulle kan insien dat hulle in hulleself wesens is.

PRE 3:19 : Want die lot van die adamiete is ook die lot van die wilde wesens: hulle het een en dieselfde lot; Dood vir die een, Dood vir die ander, en elkeen het 'n gees, en 'n voorkeur van die adamiet bo die wilde wesens is daar nie; want alles is tevergeefs.

PRE 3:20 : Alles gaan na een plek toe; alles is uit die stof, en alles keer na die stof terug.

PRE 3:21 : Wie bespeur dat die gees van die adamiete opgaan boontoe, en dat die gees van die wilde wesens neerdaal ondertoe in die Aarde?

PRE 3:22 : So het ek dan gesien dat daar niks suiwerder is as dat die adamiet hom verheug in sy werke nie, want dit is sy deel; want wie sal hom daartoe bring dat hy kan sien wat na hom sal wees?

This website was powered by Ewisoft Website Builder.