Die verkondiging van Jona, en die bekering van die stad Ninevé.
JON 3:1 : EN die Woord van JaHWeH het vir die tweede maal na Jona gekom en gesê:
JON 3:2 : Maak jou klaar, gaan heen na die groot stad Ninevé, en verkondig aan haar die boodskap wat Ek jou sal sê.
JON 3:3 : Toe maak Jona hom klaar en gaan na Ninevé volgens die Woord van JaHWeH. En Ninevé was 'n groot Stad van Elohim, drie dagreise te voet.
JON 3:4 : En Jona het begin met een dagreis ver die stad in te gaan en het gepreek en gesê: Nog veertig dae, dan word Ninevé verwoes.
JON 3:5 : En die manne van Ninevé het Elohim geglo en 'n vasdag uitgeroep, en groot en klein het hulle met rougewaad beklee.
JON 3:6 : En toe die berig die koning van Ninevé bereik, het hy opgestaan van sy troon en sy mantel afgehaal en in rougewaad gehul in die as gaan sit.
JON 3:7 : En hy het in Ninevé laat uitroep en sê: Op las van die koning en sy groot manne - geen adamiet of wilde wese, beeste of kleinvee mag aan iets proe nie, hulle mag nie wei of water drink nie;
JON 3:8 : maar adamiet en wilde wese moet 'n rougewaad om hê, en hulle moet ernstig tot Elohim roep, en elkeen moet hom van sy besoedelde weg bekeer en van die onreg wat aan sy handpalms kleef.
JON 3:9 : Wie weet of die Elohim nie sal omkeer en berou sal hê nie, sodat Hy Hom afwend van die gloed van Sy brandende Woede en ons nie vergaan nie?
JON 3:10 : En die Elohim het hulle werke gesien dat hulle hul bekeer het van hulle besoedelde weg; toe het die Elohim berou gehad oor die besoedeling wat Hy gesê het dat Hy hulle sou aandoen, en Hy het dit nie gedoen nie.
This website was powered by Ewisoft Website Builder.
