JOB 28:1 : WANT vir die silwer is daar 'n plek waar dit uitkom, en 'n plek vir die goud wat hulle uitwas.

JOB 28:2 : Yster word uit die droë grond gehaal, en koper word uit klip gegiet.

JOB 28:3 : Hy stel 'n einde aan Duisternis, en tot die uiterste grens deursoek Hy die boustene van donkerheid en Doodskaduwee.

JOB 28:4 : Hy breek 'n mynskag, wég van hom wat bo woon; hulle wat vergeet is deur die voet [daarbo], hulle hang ver van mense af, hulle swaai heen en weer.

JOB 28:5 : [Die] Aarde - uit haar kom brood voort, maar onder haar word dit omgewoel soos deur vuur. [Boekrol van Henog 18:3]

JOB 28:6 : Plek van saffiere, en haar klippe bevat stoffies van goud vir hom.

JOB 28:7 : 'n Pad wat die roofvoël nie ken nie, en die oog van die valk het dit nie gespeur nie;

JOB 28:8 : waar die trotse roofdiere nie op trap nie, waar die leeu nie oor stap nie.

JOB 28:9 : Hy slaan Sy Hand aan die klipharde rots, Hy woel die berge van die wortel af om.

JOB 28:10 : In die rotse breek Hy gange uit, en Sy Oog sien allerhande kosbare dinge.

JOB 28:11 : Hy stop waterare toe, dat hulle nie drup nie; en wat verborge was, bring Hy na die Lig.

JOB 28:12 : Maar die Wysheid - waar word Sy gevind? En waar is die plek van Verstand? [Profesie van Barug 3:15]

JOB 28:13 : Die mens ken nie Haar waarde nie, en Sy word in die Aarde van die lewende nie gevind nie.

JOB 28:14 : Die Afgrond sê: In my is Sy nie; en die see sê: By my is Sy nie.

JOB 28:15 : Geen fyn goud, en geen silwer as koopprys kan vir Haar afgeweeg word nie.

JOB 28:16 : Die goud van Ofir weeg nie teen Haar op nie, ook nie die kosbare onikssteen en saffier nie.

JOB 28:17 : Goud en glas kan met Haar nie vergelyk word nie, en vir goue voorwerpe ruil 'n persoon Haar nie.

JOB 28:18 : Korale en kristal kan nie genoem word nie, en die besit van die Wysheid is meer werd as robyne.

JOB 28:19 : Die topaas van Kuwsh kan nie met Haar vergelyk word nie, suiwer goud word nie teen Haar opgeweeg nie.

JOB 28:20 : Die Wysheid dan - waar kom Sy vandaan? En waar is die plek van die Verstand? [Boekrol van Henog 46:3; 2 Ezra 7:26; Openbaring 12:14]

JOB 28:21 : Ja, Sy is verborge vir die oë van alles wat leef, en weggesteek vir die vlieënde wesens in die lug.

JOB 28:22 : Abáddon en Dood sê: Met ons ore het ons Haar gerug gehoor

JOB 28:23 : Elohim ken Haar weg, en Hy ken Haar plek.

JOB 28:24 : Want Hy sien tot by die eindes van die Aarde; alles wat onder die Hemele is, aanskou Hy.

JOB 28:25 : Toe Hy vir die wind die gewig bepaal en die waters met die maat afgemeet het,

JOB 28:26 : toe Hy vir die reën 'n Wet gestel het en 'n weg vir die onweerstraal,

JOB 28:27 : toe het Hy Haar gesien en Haar bereken het; Hy het Haar opgestel en Haar ook deurvors.

JOB 28:28 : Maar aan die adamiet het Hy gesê: Kyk, die Vrees van My Meester is Wysheid; en om van die besoedeling af te wyk, is Verstand.

This website was powered by Ewisoft Website Builder.