EST 4:1A : Mórdegai het tot JaHWeH gebid en aan al Sy werke gedink.

EST 4:1B : En hy het gesê: my Meester JaHWeH Almagtige Koning, omdat alles aan U mag onderwerp is en daar niemand is wat U Wil kan weerstaan nie, wanneer U wil besluit om JisraEl te red.

EST 4:1C : U het die Hemele en die Aarde gemaak en alles wat onder die Hemele is.

EST 4:1D : U is die Elohey van alles, en daar is niemand wat my Meester kan weerstaan nie.

EST 4:1E : U ken alles, en U weet dat ek nie uit hoogmoed of minagting of enige eersug gehandel het nie, toe ek weier om neer te val voor daardie verwaande Haman.

EST 4:1F : Want ter wille van die welsyn van JisraEl sou ek bereid wees om met gretigheid selfs sy voetspore te kus.

EST 4:1G : Maar ek het gevrees dat ek die eer van my Elohey sou oordra na 'n mens, en dat ek nie Elohim nie, maar 'n mens sou aanbid.

EST 4:1H : Nou dan my Meester JaHWeH, Elohey van Abraham, ontferm U oor U volk! Want ons vyande wil ons uitroei en U Erfdeel verdelg.

EST 4:1I : Verag U nie U Erfdeel wat U vir Uself uit Egipte gelei het nie!

EST 4:1J : Hoor my smeking, en wees U lot en meetsnoer barmhartig! Verander ons rou in Vreugde, sodat ons sal lewe en U Naam loof, JaHWeH! Sluit nie die monde toe wat U lofsing nie!

EST 4:1K : En ook die hele JisraEl het in dieselfde gees deur smeekbedes geroep na JaHWeH, omdat hulle deur 'n gewisse dood gedreig is.

EST 4:14A : EN hy [dit is ongetwyfeld Mórdegai] het haar gelas om na die koning te gaan, en om hom te smeek vir haar volk en haar deel van die Aarde.

EST 4:14B : Hy het gesê: dink aan die dae van jou geringheid, en hoe jy deur my hand gevoed is. Want Haman, wat eerste agter die koning kom, het dinge gepraat wat ons dood sal veroorsaak.

EST 4:14C : jy dan, roep na JaHWeH en spreek tot die koning vir ons, en verlos ons van die dood.

EST 4:17A : OOK koningin Ester het haar toevlug geneem tot JaHWeH, want sy het gebewe voor die dreigende gevaar.

EST 4:17B : Sy het haar koninklike kleed afgelê en klere aangetrek wat pas by trane en rou; en in plaas van verskeie salfolies het sy as en vuilgoed op haar hoof gesprei, en sy het haar liggaam onderwerp deur te vas. En die plekke waar sy vroeër vrolik gevoel het, was nou vol hare wat sy uitgetrek het.

EST 4:17C : En sy het JaHWeH die Elohey van JisraEl gesmeek en gesê: My Elohey, U alleen is ons Koning! Help my wat eensaam is, en vir wie daar geen ander helper is as U nie.

EST 4:17D : Die gevaar is in my hande.

EST 4:17E : Van my vader het ek gehoor dat U, JaHWeH, JisraEl uit al die ander nasies afgesonder het en ons vaders weer uit hulle voorgeslag, sodat U 'n ewige Erfdeel sou besit. En U het aan hulle gedoen soos U gespreek het.

EST 4:17F : Ons het oortree voor U Aangesig. Daarom het U ons oorgelewer in die hande van ons vyande.

EST 4:17G : Want ons het hulle gode aanbid. JaHWeH, U is regverdig.

EST 4:17H : Maar nou is dit vir hulle nie genoeg om ons deur swaar diensbaarheid te verdruk nie, dog hulle skryf selfs die krag van hulle hande toe aan die mag van hulle gode.

EST 4:17I : So wil hulle U beloftes verydel en U Erfdeel uitroei en die monde toesluit wat U loof, en die Glansrykheid van U Apartheidsplek en altaar verdelg.

EST 4:17J : Dan kan hulle die monde van die nasies oopmaak en die mag van die idole loof, en hulle kan 'n liggaamlike koning verhoog tot in ewigheid.

EST 4:17K : JaHWeH, lewer U Septer nie uit aan die wat nie is nie, sodat hulle nie sal lag oor ons ondergang nie. Maar keer hulle planne teen hulleself; en verdelg hom wat teen ons losgebreek het.

EST 4:17L : Wees gedagtig, JaHWeH, en toon U aan ons in die tyd van ons verdrukking! Gee my vertroue, JaHWeH, Koning van die Elohim en van al die heerskappye.

EST 4:17M : Lê gepaste woorde in my mond voor die aangesig van die leeu, en neig sy hart tot haat teen ons vyand, sodat die self uitgeroei word saam met sy medestanders.

EST 4:17N : Maar ons, red ons deur U Hand; en help my, wat geen ander hulp het as alleen U, JaHWeH, wat alles weet!

EST 4:17O : U weet dat ek die roem van wetteloses haat, en dat ek afkerig is van die bed van onbesnedenes en van elke vreemdeling.

EST 4:17P : U weet dat ek gedwing is maar dat ek afkerig is van daardie teken van my verhoging en eer wat ek op my hoof dra op die dae van openbare vertoon, en dat ek dit haat soos die doek van 'n vrou; sodat ek dit op stil dae nie dra nie.

EST 4:17Q : U weet dat ek van Haman se tafel nie geëet het nie, dat ek die maaltyd van die koning nie geniet nie, en dat ek van die wyn van die plengoffers nie gedrink het nie;

EST 4:17R : en dat U diensmaagd, vanaf die dag dat ek na hierdie plek geneem is tot vandag toe, in niks anders Vreugde gevind het nie as alleen in U JaHWeH, Elohey van Abraham!

EST 4:17S : JaHWeH, wat magtiger as al die mense is, hoor na die stem van die wat geen ander hoop het nie; en red U ons uit die hand van die wetteloses, en verlos U my van my vrees.