GEN 33:1 : EN Jakob het sy oë opgeslaan, en toe hy meteens Esau sien aankom en vierhonderd man saam met hom, het hy die kinders onder Lea en Ragel en onder die twee slavinne verdeel.

GEN 33:2 : En hy het die slavinne met hulle kinders eerste, en Lea met haar kinders daaragter, en Ragel en JôWsef laaste opgestel;

GEN 33:3 : maar hy self het voor hulle uit gegaan en hom sewe maal na die Aarde gebuig, totdat hy by sy broer gekom het.

GEN 33:4 : Toe loop Esau hom tegemoet en omhels hom en val hom om die hals en soen hom; en hulle het geween.

GEN 33:5 : Daarna het hy sy oë opgeslaan en die vroue en kinders gesien en gesê: Wie het jy daar by jou? En hy antwoord: Die kinders wat Elohim uit Barmhartigheid aan u dienaar geskenk het.

GEN 33:6 : En die slavinne het nader gekom, hulle en hulle kinders, en hul neergebuig.

GEN 33:7 : En Lea het ook nader gekom met haar kinders en hul neergebuig; en daarna het JôWsef nader gekom en Ragel en hul neergebuig.

GEN 33:8 : Daarop sê hy: Wat is jou bedoeling met daardie hele laer wat ek teëgekom het? En hy antwoord: Om guns te vind in die oë van my meester.

GEN 33:9 : Maar Esau sê: Ek het baie, my broer! Wat joune is, laat dit joune bly!

GEN 33:10 : Toe antwoord Jakob: Ag nee, as ek nou guns in u oë gevind het, neem dan my spysbydrae uit my hand aan. Ek het u aangesig gesien soos iemand wat die Aangesig van Elohim gesien het, en u het behae in my gehad.

GEN 33:11 : Neem tog my begroetingsgeskenk wat u aangebied is, want Elohim het my Barmhartigheid bewys, en ek het volop. En hy het by hom aangehou, sodat hy dit aangeneem het.

GEN 33:12 : Daarop sê hy: Laat ons opbreek en verder trek, en ek sal langs jou trek.

GEN 33:13 : Maar hy antwoord hom: My meester weet dat die kinders swak is, en dat ek lammerooie en melkkoeie by my het; as hulle net een dag ooreis word, dan sterf al die kleinvee.

GEN 33:14 : My meester moet maar voor die aangesig van sy dienaar uit trek, en ék sal op my gemak trek na die gang van die vee wat voor my aangesig uit gaan, en na die gang van die kinders, tot ek by my meester in Seïr aankom.

GEN 33:15 : Toe sê Esau: Laat my tog van die manskappe wat by my is, by jou laat staan. En hy antwoord: Waarvoor dan? Laat my guns in die oë van my meester vind!

GEN 33:16 : So het Esau dan dié dag teruggegaan padlangs na Seïr toe.

GEN 33:17 : Maar Jakob het takke opgerig om vir hom 'n woning te bou en 'n takskuiling/sukkoth vir sy vee gemaak. Daarom het hy die plek genoem Sukkot.

GEN 33:18 : En Jakob het behoue aangekom by die stad Sigem wat in die Aarde van Kanaän is, toe hy van Paddan-Aram gekom het - hy het sy laer voor die stad opgeslaan

GEN 33:19 : en die stuk grond gekoop waar hy sy tent opgeslaan het, van die seuns van Hemor, die vader van Sigem, vir honderd geldstukke.

GEN 33:20 : Daar het hy ook 'n altaar opgerig en dit genoem: El-Elohey-JisraEl (El die Magtige van JisraEl).

This website was powered by Ewisoft Website Builder.