SPR 10:1 : DIE spreuke van Salomo. 'n Wyse seun verbly die Vader, maar 'n dwase seun is 'n bekommernis vir sy Moeder.

SPR 10:2 : Skatte deur besoedelde winsbejag bring geen voordeel nie, maar Geregtigheid red van Dood.

SPR 10:3 : JaHWeH laat die regverdige nie honger ly nie, maar die verderflikheid van die besoedelde stoot Hy weg.

SPR 10:4 : Hy word arm wat met 'n trae handpalm werk, maar die hand van die vlytiges maak ryk.

SPR 10:5 : Hy wat in die somer wegbêre, is 'n verstandige seun; hy wat vas slaap in die oestyd, is 'n seun wat skande maak. [MattithJaHûW 9:37]

SPR 10:6 : Seëninge is daar op die hoof van die regverdige, maar geweld skuil in die mond van die besoedelde.

SPR 10:7 : Die nagedagtenis van die regverdige is tot seën, maar die naam van die besoedelde vergaan.

SPR 10:8 : Hy wat wys van hart is, neem die Gebooie aan, maar hy wat dwaas van lippe is, kom tot 'n val.

SPR 10:9 : Hy wat in egtheid wandel, wandel veilig, maar hy wat sy weë krom maak, word bekend.

SPR 10:10 : Hy wat met sy oog knip, veroorsaak smart, en hy wat dwaas spreek, kom tot 'n val.

SPR 10:11 : Die mond van die regverdige is 'n fontein van lewe, maar geweld skuil in die mond van die besoedelde.

SPR 10:12 : Haat verwek twiste, maar liefde bedek al die oortredinge.

SPR 10:13 : Op die lippe van die verstandige word Wysheid gevind, maar die roede is vir die rug van die verstandelose.

SPR 10:14 : Die wyse lê kennis weg, maar die mond van die dwaas is 'n ondergang wat naby is.

SPR 10:15 : Die goed van die ryke is vir hom 'n sterk stad; die ondergang van die behoeftiges is hulle armoede.

SPR 10:16 : Wat die regverdige verwerf, is vir die lewe; die inkomste van die besoedelde is tot oortreding.

SPR 10:17 : 'n Pad ten lewe is hy wat die Tug in ag neem; maar hy wat die Teregwysing verontagsaam, raak verdwaald.

SPR 10:18 : Hy wat haat verberg, het valse lippe; en hy wat skindertaal uitstrooi, is 'n dwaas.

SPR 10:19 : By veelheid van woorde ontbreek die oortreding nie; maar hy wat sy lippe inhou, handel verstandig.

SPR 10:20 : Die tong van die regverdige is uitgesoekte silwer; die hart van die besoedelde is min werd. [Psalm 12:6]

SPR 10:21 : Die lippe van die regverdige help baie mense reg; maar die dwase sterf deur gebrek aan Verstand.

SPR 10:22 : Die Seën van JaHWeH - Sy maak ryk, en moeitevolle arbeid voeg niks by Haar nie.

SPR 10:23 : Dit is vermaak vir 'n dwaas om bloedvermenging te pleeg, maar 'n man van Wysheid het Verstand.

SPR 10:24 : Waar die besoedelde bang voor is - dit kom oor hom; maar die begeerte van die regverdiges vervul Hy.

SPR 10:25 : Wanneer 'n stormwind verbygaan, is die besoedelde nie meer nie; maar die regverdige is vir ewig gegrondves.

SPR 10:26 : Soos asyn vir die tande en soos rook vir die oë, so is die luiaard vir die wat hom stuur.

SPR 10:27 : Die Vrees van JaHWeH vermeerder die dae, maar die jare van die besoedelde word verkort.

SPR 10:28 : Die verwagting van die regverdiges is vreugde, maar die hoop van die besoedelde vergaan.

SPR 10:29 : Die Weg van JaHWeH is vir die egte 'n vesting, maar 'n ondergang vir die bewerkers van Ongeregtigheid.

SPR 10:30 : Die regverdige sal vir ewig nie wankel nie, maar die besoedelde sal in die Aarde nie bly woon nie.

SPR 10:31 : Die mond van die regverdige laat Wysheid uitspruit, maar die valse tong word uitgeroei.

SPR 10:32 : Die lippe van die regverdige ken vreugde, maar die mond van die besoedelde is pure valsheid.

This website was powered by Ewisoft Website Builder.