SPR 4:1 : HOOR, julle seuns, na die Tug van die Vader, en luister om Insig te leer ken;

SPR 4:2 : want Ek gee aan julle lering van Suiwerheid, verlaat nie My Wet nie.

SPR 4:3 : Want toe Ek 'n Seun was by My Vader, teer en 'n enigste voor My Moeder,

SPR 4:4 : het HY My geleer en vir My gesê: Laat U hart MY Woorde vashou; onderhou MY Gebooie, dan sal U lewe.

SPR 4:5 : Verkry Wysheid, verkry Insig; vergeet nie en wyk nie af van die Woorde van MY Mond nie;

SPR 4:6 : verlaat Haar nie, dan sal Sy U bewaar; kry Haar lief, dan sal Sy U bewaak.

SPR 4:7 : Die beginsel van die Wysheid is: Verwerf Wysheid en verwerf Insig deur al wat U besit.

SPR 4:8 : Hou Haar hoog, dan sal Sy U verhoog; Sy sal U eer as U Haar omhels.

SPR 4:9 : Sy sal 'n lieflike Krans gee vir U hoof, Sy sal U 'n sierlike Kroon verskaf. [Odes van Salomo 20:7]

SPR 4:10 : Hoor, MY seun, en neem MY Woorde aan; dan sal die lewensjare vir U vermeerder word.

SPR 4:11 : In die Weg van die Wysheid onderrig EK U, EK laat U die spore van opregtheid betree; [Odes van Salomo 1:3 - 4]

SPR 4:12 : as U loop, sal U treë nie belemmer word nie, en as U hardloop, sal U nie struikel nie.

SPR 4:13 : Hou vas aan die Tug, laat Haar nie los nie; bewaar Haar, want Sy is U lewe.

SPR 4:14 : Kom nie op die pad van die besoedelde, en betree die weg van besoedeling nie.

SPR 4:15 : Vermy haar, gaan nie daarop nie, wyk van haar af en gaan verby;

SPR 4:16 : want hulle kan nie slaap as hulle geen kwaad doen nie; en hulle slaap is weg as hulle nie tot 'n val bring nie.

SPR 4:17 : Want hulle eet brood van besoedeling en drink wyn van verkeerdheid. [Amos 2:8]

SPR 4:18 : Terwyl die Weg van die regverdiges is soos 'n helder Lig wat verlig soos dit gaan, totdat die dag opgerig is,

SPR 4:19 : is die weg van die besoedelde soos Duisternis: hulle weet nie waaroor hulle sal struikel nie. [Exodus 10:23]

SPR 4:20 : MY Seun, luister na wat EK sê, neig u oor tot MY Woorde,

SPR 4:21 : laat hulle nie wyk uit U oë nie, bewaar hulle binne-in U hart.

SPR 4:22 : Want hulle is die lewe vir die wat hulle vind, en 'n genesing vir hulle hele liggaam.

SPR 4:23 : Bewaak U hart meer as alles wat bewaar moet word, want daaruit is die oorspronge van die lewe.

SPR 4:24 : Verwyder van U die valsheid van mond, en hou ver van U af die verkeerdheid van lippe.

SPR 4:25 : Laat U Oë reguit kyk en U Ooglede hulle reg voor U uit hou.

SPR 4:26 : Maak die Weg van U voet gelyk, en laat al U Weë vas wees,

SPR 4:27 : wyk nie regs of links af nie, hou U Voet ver van besoedeling.

This website was powered by Ewisoft Website Builder.