SPR 13:1 : 'N WYSE seun luister na die Tug van die Vader, maar 'n spotter hoor nie na berisping nie.

SPR 13:2 : Van die vrug van 'n man se mond eet hy die suiwere, maar die siel van die verraaiers is vals.

SPR 13:3 : Wie sy mond bewaak, bewaar sy siel; wie sy lippe wyd oopmaak, vir hom is daar ondergang.

SPR 13:4 : Die siel van die luiaard begeer, en daar is niks nie, maar die siel van die vlytiges word versadig.

SPR 13:5 : Die regverdige haat leuentaal, maar die besoedelde maak gehaat en handel skandelik.

SPR 13:6 : Geregtigheid bewaar die opregte van wandel, maar besoedeling bring die oortreder tot 'n val.

SPR 13:7 : Daar is een wat hom ryk hou, en hy het glad niks nie; een wat hom arm hou, en hy het baie goed.

SPR 13:8 : Die losprys vir die siel van 'n man is sy rykdom, maar die arme hoor geen dreigement nie.

SPR 13:9 : Die Lig in die regverdige brand vrolik, maar die lamp in die besoedelde gaan dood.

SPR 13:10 : Hoogmoed gee net getwis af; maar by die wat hulle laat inlig, is Wysheid.

SPR 13:11 : Goed wat uit niks verkry is, word minder; maar hy wat met die hand bymekaarmaak, kry altyd meer.

SPR 13:12 : 'n Uitgestelde hoop maak die hart siek; maar 'n wens wat uitkom, is die Boom van die Lewe.

SPR 13:13 : Wie die Woord verag, moet dit ontgeld; maar hy wat die Gebod Vrees, ontvang vergelding.

SPR 13:14 : Die Wet van die wyse is 'n Fontein van die lewe, om die strikke van die Dood te ontwyk.

SPR 13:15 : 'n Suiwer Verstand verskaf Guns, maar die weg van die verraaiers is permanent.

SPR 13:16 : Elke skrandere handel met Kennis, maar die dwaas strooi sotheid rond.

SPR 13:17 : 'n besoedelde boodskapper val in die besoedeling, maar 'n betroubare gesant is genesend.

SPR 13:18 : Armoede en skande is vir hom wat die Tug verwerp; maar hy wat Teregwysing in ag neem, word geëer.

SPR 13:19 : 'n Vervulde wens is soet vir die siel, maar om af te wyk van besoedeling, is 'n gruwel vir die dwase.

SPR 13:20 : Gaan met die wyse om, dan word jy wys; maar hy wat met dwase verkeer, versleg.

SPR 13:21 : Die besoedeling agtervolg die oortreders, maar Hy sal die regverdiges tot Suiwerheid herstel.

SPR 13:22 : 'n Suiwere laat sy kindskinders erwe, maar die vermoë van die oortreder word vir die regverdige weggebêre.

SPR 13:23 : Die braakland van die armes [lewer] oorvloedig spys op, maar daar is wat deur Reg verlore gaan.

SPR 13:24 : Wie sy roede terughou, haat sy seun; maar hy wat hom liefhet, besoek hom met Tugtiging.

SPR 13:25 : Die regverdige eet totdat sy siel versadig is; maar die maag van die besoedelde ly gebrek.

This website was powered by Ewisoft Website Builder.