SPR 3:1 : MY seun, vergeet My Wet nie, en laat jou hart My Gebooie bewaar;

SPR 3:2 : want hulle sal lengte van dae en jare van lewe en Vrede vir jou vermeerder.

SPR 3:3 : Laat Medelye en Waarheid jou nie verlaat nie; bind Hulle om jou hals, skryf Hulle op die tafel van jou hart,

SPR 3:4 : dan sal jy Barmhartigheid vind en suiwer Insig in die Oë van Elohim en die adam.

SPR 3:5 : Vertrou op JaHWeH met jou hele hart en steun nie op jou eie insig nie.

SPR 3:6 : Ken Hom in al jou weë, dan sal Hy jou paaie gelykmaak.

SPR 3:7 : Wees nie wys in jou eie oë nie; vrees JaHWeH, en vermy besoedeling;

SPR 3:8 : Sy sal genesing wees vir jou liggaam en verkwikking vir jou gebeente.

SPR 3:9 : Vereer JaHWeH uit jou goed en uit die eerstelinge van al jou inkomste;

SPR 3:10 : dan sal jou skure vol word van oorvloed en jou parskuipe oorloop van druiwesap.

SPR 3:11 : My seun, verag die Tug van JaHWeH nie, en laat Sy Teregwysing nie jou weersin wek nie,

SPR 3:12 : want JaHWeH tugtig hom wat Hy liefhet, ja, soos 'n vader die seun in wie hy behae het. [Hebreërs 12:6]

SPR 3:13 : Verbly is die adamiet wat Wysheid gevind het, en die adamiet wat Verstand verkry;

SPR 3:14 : want Haar wins is beter as dié van silwer, en Haar produkte suiwerder as goud;

SPR 3:15 : Sy is kosteliker as robyne, en al jou kleinode kan nie met Haar mee vergelyk word nie.

SPR 3:16 : In Haar regterhand is lengte van dae, in Haar linkerhand rykdom en Eer;

SPR 3:17 : Haar Weë is lieflike Weë, en al Haar Paaie is Vrede.

SPR 3:18 : Sy is die Lewensboom vir die wat Haar aangryp, en elkeen wat Haar vashou, sal reguit gaan. [Wysheid van Sirah 24:13; Génesis 3:22]

SPR 3:19 : JaHWeH het deur Wysheid die Aarde gegrond, deur Verstand die Hemele vasgestel; [Wysheid van Salomo 9:9]

SPR 3:20 : deur Sy Kennis het die Afgrond oopgebreek en het die wolke Dou gedrup.

SPR 3:21 : My seun, laat Hulle nie uit jou oë wyk nie, bewaar Wysheid en oorleg.

SPR 3:22 : dan sal Sy die lewe wees vir jou siel en 'n versiersel vir jou hals;

SPR 3:23 : dan sal jy veilig jou weg bewandel en jou voet nie stamp nie;

SPR 3:24 : as jy gaan lê, sal jy nie skrik nie, en lê jy, dan sal jou slaap soet wees.

SPR 3:25 : Jy hoef nie bang te wees vir 'n skielike skrik, of vir die ondergang van die besoedelde as dit kom nie;

SPR 3:26 : want JaHWeH sal jou Vertroue wees, en Hy sal jou voet bewaar vir die strik.

SPR 3:27 : Hou 'n weldaad nie terug van hom aan wie dit toekom as dit in jou mag is om dit te doen nie.

SPR 3:28 : Sê nie vir jou naaste nie: Gaan en kom terug, dan sal ek môre gee - terwyl jy dit het.

SPR 3:29 : Bewerk geen besoedeling teen jou naaste terwyl hy vol vertroue by jou woon nie.

SPR 3:30 : Twis nie sonder oorsaak met 'n adamiet as hy jou nie besoedel het nie.

SPR 3:31 : Wees nie afgunstig op 'n man van geweld en verkies geeneen van sy weë nie.

SPR 3:32 : Want die verkeerde is vir JaHWeH 'n gruwel, maar Sy Verborgenheid is met die opregtes.

SPR 3:33 : Die vloek van JaHWeH is in die huis van die besoedelde, maar Hy seën die woning van die regverdiges.

SPR 3:34 : As dit spotters betref, spot Hy, maar aan die ootmoediges gee Hy Barmhartigheid.

SPR 3:35 : Die wyse sal Eer beërwe, maar die dwase behaal skande.

This website was powered by Ewisoft Website Builder.