SPR 7:1 : MY seun, onderhou My woorde en bewaar My Gebooie by jou;

SPR 7:2 : onderhou My Gebooie, dan sal jy lewe, en My Wet soos jou oogappel;

SPR 7:3 : bind hulle aan jou vingers, skryf hulle op die tafel van jou hart.

SPR 7:4 : Sê aan die Wysheid: U is my suster! en noem die Verstand [jou] vertroueling,

SPR 7:5 : sodat Hulle jou kan bewaar van die verbasterde vrou, van die Ontugtige wat met haar woorde vlei.

SPR 7:6 : Want Ek het deur die venster van My Huis, deur My tralievenster uitgekyk,

SPR 7:7 : en Ek het onder die eenvoudiges gesien, onder die jongmense 'n jongman sonder Insig opgemerk,

SPR 7:8 : wat op die straat verbygaan naby haar hoek en in die rigting van haar huis stap,

SPR 7:9 : in die skemer, in die aand van die dag, in die middel van die nag en die donker.

SPR 7:10 : En kyk, daar kom 'n vrou hom tegemoet, soos 'n hoer aangetrek en listig van hart -

SPR 7:11 : sy is rumoerig en opstandig, haar voete kan nie in haar huis bly nie -

SPR 7:12 : nou buitekant, dan weer op die pleine, en sy staan by elke hoek en loer.

SPR 7:13 : En sy het hom gegryp en hom gesoen, met haar onbeskaamde gesig vir hom gesê:

SPR 7:14 : Ek moes slagdiere as vergoeding bring, vandag het ek my geloftes betaal;

SPR 7:15 : daarom het ek uitgegaan om jou te ontmoet, om jou aangesig te soek, en ek het jou gekry.

SPR 7:16 : Ek het my bed met dekens opgemaak, met bont spreie van Egiptiese linne; [Boekrol van die Opregte 44:49; JeshaJaH 57:8]

SPR 7:17 : ek het my bed besprinkel met mirre, alewee en kaneel -

SPR 7:18 : kom, laat ons dronk word van liefde tot die môre toe, laat ons mekaar vrolik maak in welluste.

SPR 7:19 : Want die man is nie tuis nie, hy het ver weg op reis gegaan,

SPR 7:20 : die geldbeurs het hy met hom saamgeneem, teen die dag van volmaan sal hy eers tuis kom.

SPR 7:21 : Sy het hom verlei deur haar baie mooipraatjies, deur die gladheid van haar lippe het sy hom verlok.

SPR 7:22 : Hy loop skielik agter haar aan soos 'n bees wat na die slagpaal gaan, en met voetboeie wat dien tot Tugtiging van die sot,

SPR 7:23 : totdat die pyl sy lewer splits; soos 'n voël haastig na die vangnet vlieg - sonder om te weet dat dit ten koste van sy siel is.

SPR 7:24 : Luister dan nou na My, seuns, en luister na die Woorde van My Mond.

SPR 7:25 : Laat jou hart nie afwyk na haar weë nie, dwaal nie rond in haar paaie nie.

SPR 7:26 : Want baie is die gesneuweldes wat sy laat val het, en talryk almal wat deur haar vermoor is.

SPR 7:27 : Haar huis is weë na die Doderyk/Sheol, wat afdaal na die kamers van die Dood. [Boekrol van Henog 22:2]

This website was powered by Ewisoft Website Builder.